23 MGA BUGTONG (FILIPINO RIDDLES)

hindi hayop, hindi hunghang
lumuluha ang abutan
USOK

nang maliit ay sirkero
nang lumaki ay musikero
PALAKA

naghain si lolo
unang dumulog ay tukso
LANGAW

maraming paa'y walang kamay
may pamigkis sa baywang
ang ulo'y parang tagayan
alagad ng kalinisan
WALIS

dugtung-dugtong nagkakarugtong
tanikalang humuhugong
TREN

ang ngalan ko ay iisa
ang uri ko'y iba-iba
gamit ako ng balana
sa daliri makikita
SINGSING

binatak ko ang isa
tatlo pa ang sumama
PANYO

dalawang ibong marikit
nagtitimbangan sa siit
HIKAW

bayabas ko sa tabing bahay
ang bunga'y walang tangkay
ITLOG

tatlong bundok ang tinibag
bago narating ang dagat
NIYOG

tumakbo si kaka
nabiyak ang lupa
ZIPPER

isipin mong mabuti
aling balo ang sinaksak sa haligi
SUMBRERO

nang ihulog ko'y buto
nang hanguin ko'y malaking trumpo
SINGKAMAS

hindi naman hari, hindi naman pari
nagsusuot ng sari-sari
SAMPAYAN

nagsaing si kurukutong
bumubulaga'y walang gatong
SABON

bugtong kong sapin-sapin
nakasabit, nakabitin
araw kung bilangin
isang taon kung tapusin
KALENDARYO

kung sa ilan ay walang kwenta
sa gusali ay mahalaga
BATO

manghahabing batikan
tubig ang hanay
ang yaring sinamay
iba't-ibang kulay
BAHAGHARI

mayroon akong gatang
hindi ko matingnan
LEEG

may dahon ay di halaman
maraming mukha'y walang buhay
ang laman ay karunungan
AKLAT

kung bayaa'y mabubuhay
kung himasin ay mamamatay
MAKAHIYA

ipinalilok ko at ipinalubid
naghigpitan ang kapit
SINTURON

nang hawak ay patay
nang ihagis ay buhay
TRUMPO